مجروح معاك يا زمن

السلام عليكم ورحمة الله

مجروح منك أنا مجروح ..
كلمات المرحوم حسين المحضار

--------------------------------------

رح مانت أول من تحداني وراح ... رح ما معي من عشقتك راحه
رح خلنا داوي صوابي والجراح ... من هو مصوب يعرف جراحه
رح من هواك أطلق سراحي .. منك وبس وحدك جراحي ..
وليتك اللب والحشا والروح .... مجروح انا منك مجروح
================================
كم هام عقلي فيك يا خلي وساح ... وقلت ماغيرك على الساحة
وقلت ذا سيدي وذا سيد الملاح ... ونسيت غيد الوادي وملاحه
ووهبت لك فني وراحي ... وأيام أنسي وانشراحي
وسري اللي ماهو لأحد مشروح .. مجروح منك أنا مجروح
===============================
والله مابرضى بعرضي يستبـــــــــــــــاح ... وانا نقي أنقى من البـــاحة
مامقصدي في الحب شيء غير الصلاح .. كل ماخرب حاولت إصلاحه
وان كان يرضيك افتضــــــــــــــــــــاحي .. أو بيعتي بيع الأضـــــــاحي
قلي برأيك بسمعه وروح .. مجروح منك انا مجروح
===============================
الحب مثل البحر تلعب به الريايح ***** كل ماله الا هاجت رياحه
يا كم وكم من فل فرفربه لواح **** عبريته غابوا وغابوا ملاحه
ودخلت أنا وخرجت صاحـــــي **** والموج من كل النواحي
مجراي منه مجرى سفينة نوح ..... مجروح منك أنا مجروح
===================================

زمان كانت ..

-----------
ليالي الحب تطويها يد الماضي .. فقط ذكرى لنا فيها وكاس فاضي
خلا من فرحنا الوادي .. وغاب النور والأنغام
زمان الحب يرمينا ... على أحضان أمانينا
ويسقينا ويروينا .. ويطوي هيام بهيام
زمان كانت لنا أيام ..
=============================
زمان واليوم أنا وحدي ... خلا كل الوجود عندي
سوى كأس من دموع وجدي ... يفيض بالهم والآلام
زمان .. كانت لنا أيام
=============================
زمان يا عين .. زيد ابكي *** وطول ياليل ... وانا بشكي
الا يا عين زيدي ابكي **** حرام والله فراقنا حـــرام
زمان كانت لنا أيام
==============================

حبيتك انته .. ( عدنية )

============
حبيتك انته من البداية ... كيف وليش ماعرفش أنا .
وفضلت أقول .. هذا الذي بسعد بحبه .. حبه والمنى ..
الناس لي قالوا لي عنك .. ان حبك لي كثير ..
رجعوا عواذل لي ولك .. ياريت حبك مش كثير
ياما ليالي .. ليالي كنت بحلم ان قلبي لك يطير
يطير في ليل الدجى .. ونور حبك له ينير ..
صدوك مين عمري اللي صدك ماخطر بالي عليك
ذا كان يعرف ايش مابيني وب*** وايش عليه
لكنك انت تتودد وتتوسل اليه ..
الحب مش شرعه كذا .. يعلو .. يعلو .. ولا يعلى عليه

سر حبي

سر حبي فيك غامض سر حبي ما انكشف .. إيش خلاني اعشق فيك و العشق كلف
أيش اوقعني في اشباكك وانا عيني تشوف ...

لاتعذبني وإلا سرت وتركت المكلا لك.. إذا ما فيك معروف
+++++++++++
واجهتنا خلف بعد العصر والحاسد خلف .. و الهوى يجري حوالينا يلف الموج لف
و الجبل من فوقنا يشهد وتشهدلي الكهوف..

لاتعذبني وإلا سرت وتركت المكلا لك.. إذا ما فيك معروف
++++++++++
فوق شط البحرحيث اللولي يوجد و الصدف .. و اللقا قد كان صدفة لا جزا الله الصدف
عندما سمحت ظروفك لك وسمحتلي الظروف..

لاتعذبني وإلا سرت وتركت المكلا لك.. إذا ما فيك معروف
+++++++++++
كل واحد مننا ماسك من السكه طرف .. لا هدف لي فيك يظهرلي ولا لك شي هدف
انتهى المشوار كله ماتلامسنا الكتوف..

لاتعذبني وإلا سرت وتركت المكلا لك .. إذا ما فيك معروف
+++++++++++
انت تحفة صاغها الرحمن من احلى التحف .. انت في الدنيا قضيه ما تحملها ملف
وانت احلى اسم في قلبي (سداسي) الحروف ..

لا تعذبني وإلا سرت وتركت المكلا لك.. إذا ما فيك معروف
+++++++++++
بعد ذاك اليوم زاد الحب لي لك عندي و الشغف .. عنك اسأل كل شي حتى الشبابيك الخلف
و انت تغيبت عليا دورت في شمس الصيوف..

لا تعذبني وإلا سرت وتركت المكلا لك ..إذا ما فيك معروف
+++++++++++
حبك استولى على قلبي وحملني كلف .. حب احرمني منامي ما اغمضت للعين دف
حب مهما لك وصفته عنه يقصرني الوصوف..

لا تعذبني وإلا سرت وتركت المكلا لك ..إذا ما فيك معروف

منقول